تقنين

لو كنت من سكان لبنان العظيم لعرفت :

أن للكهربا دوام ... يعني خد عندك من 6 ل 10 في كهربا ، من 10 لـ 2 مفيش ... بيرجع من 2 لـ 6 في كهربا، من 6 لـ 12 مفيش ... جت على 12 بتقطع 6 صباحا

ليش بتقطع الكهربا؟

لأن محطات الكهربا في لبنان بتنتج قدر محدد من الطاقة س مثلا ، بينما حاجة البلد للكهربا هي 3 أضعاف س مثلا" كمان مرة"
فطبيعي تكون الكهربا بالدور يعني :D

طيب اذا حسبنا قديش بتقطع الكهربا بالنهار هيطلعوا 8 - 12 ساعة ... فالشعب استحدث شي اسمه مولدات خاصة

المولد الخاص بيشتغل عالمازوت ( السولار )... فالموتور بييجي وقت ما بتقطع الكهربا حلو؟

لا مش حلو ... المازوت فجأة سعره ضرب بالعليوة فووووق ... فأصحاب الموتورات كمان اعتمدوا تقنين

صاروا يقطعوه بالليل بعد الساعة 12 ... و بيقطعوه من كل فترة بالنهار ساعة

يعني صرنا بتقنينين 2

طيب لهون قلنا ماشي ... يا سيدي المازوت غالي و الدنيا خرباااانة ...

منيجي لقصة تانية ... استحداث غريب ... تقنين لمياه الشرب

لاااا! يعني هاي لم يسبقكم بها أحد من العالمين ... حدا بيقنن المياه؟؟؟

يعني صدقا معادش ناقصنا بهالبلد إلا تقنين قطاع الاتصالات ... يعني تيجي بدك تطلب رفيقك ... لا فش خط

مقطوع عشان التقنين ... او مثلا انت خطك موصول بس خط رفيقك مقطوع لان عنده تقنين

لوين بعد ؟ لويييين رايحين ؟

محطات الكهربا و قلتوا اسرائيل بتضل تقصفها

المي و اصلا مش كل لبناني بيوصلوا مية شرب من الدولة

اغلبه حافر بير جنب بيته و يعلم الله شو نوع المي اللي بيشربها

بالاخر بتيجي الحكومة قبل ما تخلص مهامها بتتكفل تعطي لقبرص مي ... و ببلااااش

غريب أمره هالبلد .. كل شي فيه غريب عجيب

يلا ابتسم ... انت عايش بلبنان