كان في مرة ...

كان في مرة طفل صغير

عم يلعب بالحارة

عم بيفتش ع خيطان تيطير طيارة

و اطلع بالجو و قال مدري شو عم يلمع

شوفوا شوفوا الطيارة ... جاي لعندي الطيارة

هاي طيارة كبيرة و ما بدها خيطان

و جوانحها أكبر من بيت الجيران

فرفح قلبه و طار ع جناح الطيارة

و السما اللي كلها اسرار حكيتله أسرارا

وقف بالساحة ينده رفقاته

كان هدير الطيارة أقوى من كل الأصوات

و تجمعوا الولاد ... و فاتوا باللعبة

و هزت البلاد ... قصة متل الكذبة

و الهدير تحول لدخان كبيييير

مدري شو صار ... دق النفير

و الطيارة الحاملة قصص و أشعار

شعلت الأرض و هدمت الدار

و صارت الحدود ...

حدود الولدنة

برق و رعود

بتقصف عالدني

وصارت اللعبة و صارت معها القصة

صاروا الولاد شقفة من القصة

و القصة مكتوبة ع سطيحات الضيعة

و الضيعة المنكوبة و لعت متل الشمعة

و الشمعة بتضوي و الصرخة بتدوي

و الشمعة بتضوي و الصرخة بتدوي ...


مارسيل خليفة